Loc : Tudan, Miri
Loc : Tudan, Miri
↧
Randy & Project Full back-piece ( Borneo Tribal Fusion )
Loc : Tudan, Miri
↧
Wannie & Borneo Fusion Tribal
Dalam 14 ari aku ba darat aku mantang nyau ka ninting ari...sari kadang-kadang datai ke 3 iku mensia..tang pantang ke umbas-umbas ia la..ke muntang mimit di keranjai..nyadi ke skali tu aku dah bejanji deka matang ia ngena ukir ke di turai aku semina ngagai ia aja. Sari sebedau aku mantang kaki Wannie tu aku lalu bedau ngaga design ke ia..nyau tembu aku mantang ia lemai baru aku bisi maya lepa mimit nurai ke ia ukir tu..nya pan maya aku nulung urg ba rumah besapi ke anak aku**sambil2 lukis**Sempat...
Maya aku mantai ke design tu nasib endar gak ka ke design tu...jadi ketu meh pemutus ukir kelingai Wannie..
Loc : Tudan, Miri
↧
↧
Ian & Sugar Babe
Design di temu ba sebelah internet lalu di pilih kena nyatup indu ke siku da agi..pantang ia ke lama sepiak kiba ia nya di gaga aku maya pengerami pantang 2nd MTE taun 2011..di anjung kena pekit ba kategori portrait tang nadai bulih..PIRUN ko kitai Iban.
Loc : Tudan Phase 5
↧
Majalah Kenarau Volume 1
Tu Majalah Kenarau keterubah digaga ba Tanah Borneo. Majalah tu bekenangka senentang industri seni ukir bansa kitai, dikangauka pantang tauka kelingai. Utaika patut ditanka kitai enggaika lenyau ditelan jeman pemansang. Pia mega, majalah tu bisi manshutka sekeda sukut enggau jerita bukai, ba volume bukai ila. Tang ketebal agi, majalah tu nyerubak dunya bepantang, tukang pantang, bakani kitai mensia dikumbai urang "Tukang Pantang"enggau pejalai pengidup tukang pantang. Majalah tu tau nyadika lalau sereta tenggau senentang sejarah budaya bansa kitai Iban. Meri besai terima kasih ngagai bakih aku Jaya Ramba ti bebendar ngadu ke majalah tu. Enti enda ketegal ia majalah tu enda ulih di penyadi ke aku siku aja. Ooohaaa...
Majalah tu megga ulih di beli ba sebelah kedai bup ba menua kitai Sarawak.
Ba Miri kita ulih meli ditu :
1. Lido Photo Shop - Emart
2. Sinta Book Center - Emart
3. J&J Book Store - Emart
4. Magazine Station Network - Imperial Mall5. Imperial Mag & News - Imperial Mall
6. Bintang Book Centre - Parkson
7. Seahorse Tattoo Studio & Gallery - Emart
8. Kit Siang Lutong - Lutong Lama
Alai Bukai :
1. Lay Ash Tattoo Studio - Bintulu
2. Travel Ink Tattoo Studio - Saratok
Ngagai sebelah kedai bup ti deka ngelaku / bejual ke majalah tu tau email ngagai email tu :
order@sylvesterjuli.com
Trima Kasih
↧
Ngetu Ngenarau Enda Lama
Trima kasih ngagai sukung bala kaban belayan ti enda nemu lelak bebukaka ruai Dunya Pantang & Kelingai aku tu. Ba atas nya print screen ti di ambi aku baru tu tadi pa page aku, laban bakanya aja baru aku nemu berapa iku temuai ti bisi nemuai ba blogger aku tu mayaka di tinggal ke aku belelang ngagai menua urang. hyuKUHUku...
Taja pan enda berapa mayuh urang ti nemuai bulan nyin ngau bulan tu, tang umbas ia meh. Selalu ia ruai aku tu dalam sari nerima dalam 1++ iku mensia tang diatu enda berapa agi. Enti di banding enggau website baru aku iaka dipungkal aku taun tu ari nya ; www.sylvesterjuli.com, amat jauh endar website baru aku nya tinggal. Website aku tu www.sylvesterjuli.com digaga aku kena aku nganti website : www.boytattoo.webs.com ia nya siti antara website ti pecuma. Kebuah aku nukar ia laban aku nadai ulih agi nambah ke gambar ngau utai bukai ba website aku www.boytattoo.webs.com nya. Aku pan enda nemu, tambah megga enda landik ba utai ke web designer tu semua. Aku enda ngena nama Boytattoo ba website nya laban ka ngerembai ke nama amat diri. Chewaaah.... :) Taja pan aku nyamai agi dikelala / kangau ngau nama Boy ngelama tu.
Baka jaku pesan ke bisi ba sepiak "chat box" nya, aku naka ulih reply ia..ngagai bala ti deka bepesan dia, ngarap ke kita ngena email address kita ngambi nyamai aku malas ia nama aku lantang.
Ukai nyamai ninggal ke pangawa ti dikerindu, taja pan enda lama. Udah nya nerima tanya bala mayuh ba talipaun binching, email, Facebook, website ngau blog aku...Nama kebuah aku ngetu..? Aku enda madah enggau silik nama kebatang kebuah keurat ia aku badu enda lama ari ke ngenarau kulit mensia. Laban ba sukut runding siku-siku mensia tu nyelai. Nyamai aku enda madah. Aku enggai betalat ke utai nya suah. Bendar meh aku madah ngau chukup pemendar aku nadai mantang tang nama saut sida? tu sekeda ari saut sida ia baru :
- Bula nuan..!!Padah manah ka...
- Manah ke...anang main2...aku serius tu..laban aku ka nambah pantang aku sebedau pulai gawai
- Enda patut!!..nama aku meda nuan mantang ila jaga nuan!
hUKUHukkUHUkukKKK....enda patut aku ka bula ke kita...Enti amat pan ukai kita entua aku..kUHUk
Semadi kena enda ngelebu ke ati sida ia aku nganjung sekeda ari sida ia ti keran amat2 ka ngagai kaban aku ti sama landik nyengkebang kelingai. Sida ia semina madah, nama ke deka sida ia enggau dini alai sida diau. Enti sida diau ba menua bukai aku ulih meri numbur talipaun bincing raban artis kelingai ti semak pendiau pengidup enggau sida ia.
Pengawa aku maya 4 bulan ( kenyau ari bulan 1 ) ti udah enda ngenarau kulit mensia diatu enda ga bangat senang kelipah ti diau makai tinduk ba rumah, baka selama, aku bejual ke sticker& bajuBungai Terung's Generation ti selalu ia di jual aku ngena cara online. Kena ngelempung ke mimit pengawa aku ti mayuh nerima order ba sebelah menua intenet, aku bisi nganjung stock baju aku ba kedai-kedai baju, kedai kraftangan ngau sekeda kedai Kelingai ba sebelah Miri, Bintulu enggau Saratok. Taja pia..order ari internet aku nang bisi ngambi baka selama. Tu email aku kena bala ti deka ngodar baju enggau sticker ; order@sylvesterjuli.com
Aku megga ngiruh-ngiruh ke diri majak ngarang sereta begiga ke info ti deka di pansut ke aku ba Majalah Kenarau Volume 2, Naka ke diatu aku udah ngarang dalam 40 lambar. SIap!! terus ia ke bukai nganti sekeda gambar ari photographer, nganti Iklan ari kedai Kelingai ti bukai ngau macam agi. Volume 2 tu ila aku kira ka print mayuh agi kira dalam 5000 iti enti nadai penanggul, Laban ia ke udah, Majalah Kenarau Volume 1 udah mujur di jual lalu di print 2 kali dalam kandang 2 bulan nyin kemari. Nya pan aku nganti Volume 1 abis silik di jual ba pasar. Trima kasih ke sukung bala pemacha.
Sukut ti bisi ba Majalah Kenarau Volume 2 :-
PEMANTANG TEBILANG
Arth Akal
( Monkey Tattoo Studio, Kuching )
KUMANG KELINGAI
Tracy Emilia Jack
KELING KELINGAI
Stany Assan
GALERY KELINGAI BARU
KELINGAI MUA BUP
PENGELANDIK
Edin Ngeribang
GAWAI KELINGAI
Bintulu Tattoo Showcase
GAWAI KELINGAI TI KA DATAI
2nd Traditional Tattoo Expo - Damai Central, Kuching
3rd Miri Tattoo Exibition ( 3rd MTE ), Lutong, Miri
Follow- Follow meh aku..
Naka nya aja update post aku ba journal aku tu, hasta lavista..
Yang benar
Engkeruak Man
Sarawak Superhero
↧
↧
KENARAU I (Sarawak Tattoo Expo)
KENARAU - I ( Sarawak Tattoo Expo )
Gawai Kelingai iya ti keterubah iya diperambuka Majalah Kenarau begulai enggau siku pengatur pengawa Gawai Kelingai ti udah teleba ba pengawa tu, iya nya Felix Dixon.
Silik ti mayuh agi ba pengawa pengerami tu ila :-
Endur pengerami : Dewan Suarah, Miri.
Kenaka : 15hb, 16hb & 17hb November 2013
Bepun ari : 12 tengah ari nyentuk ke 10 malam.
Atur pengawa : Pekit pemanah kelingai nitihka kategari, pengawa ngelingai chara tatuk beraban mayuh, pengawa main asal ( Ngajat & Tabuh ), & pekit belumba ngirup ai bisa.
Pengawa ditulung : Dewan Suarah-Miri,
- Sarawak Modern & Traditional Tattoociety
- Indonesian Tattoo Subculture
- Pustaka Putera Kenyalang
- PUTERA ( Persatuan Penulis Utara Sarawak )
- RHB Bank
- Majalah Bangka
- Majalah Kenarau
- Felix D Pantek
- Bungai Terungs Generation
- Sarawak Tattoo Supply
- Seahorse Tattoo Studio & Gallery
- Ming Cafe Miri
- Rumahpanjai.com FM
↧
The Rise Of Engkeruakman
Nyau udah setaun jagung aku ngetu enda lama ari pengawa ngenarau kulit mensia. Diatu aku dah sedia nerima kaban belayan ti udah lama nganti penatai aku baru ba dunya kelingai tu. Bemacam utai ti nyadi sepemanjai aku ti nyurutka diri enda lama ba dunya Kelingai tu. Utai ti manah enggau utai ti jai. Ba ditu aku deka bejuraika utai ti nyadi :-
Ba taun tu mega kita ulih meda mayuh utai ti nyadi ba dunya kelingai tu. Baka ada iya ba dunya tu Persatuan kelingai kitai iya nya Persatuan Seni Ukir Badan Sarawak tauka nyamai agi didinga dalam leka jaku Ribai Sarawak Body Arts Association. Persatuan tu digaga laban deka ngenan ka Kelingai ngambi ka semua kitai ti rinduka pengawa bekelingai tu besaup nama kitai bisi ditinggang penusah. Bala ti ngatur persatuan tu dipilih ari 6 sitak menua Sarawak tu. Pia mega sida ti dipilih tu dipilih bala raban mayuh. Nyangup tauka enda nuan ba pengawa iya ti deka dipangku nuan, nuan mesti nyangup aja. Ba runding aku, aku enggai agi nama aku bisi ba persatuan tu. Laban ti lembau ka enggau org kiruh baum kin kia. Tang laban ka nadai urang bukai agi ulih dikarapka, aku nyangup aja pengawa tu. Tambah mega gawa selalu nadai nguan menua diri.
Ngarapka bisi persatuan iya ti baka tu ulih nyerakup kaul bala kitai ti rinduka kelingai enda milih nya artis tauka sapa aja. Enti bisi penyarut ngarapka ulih diseraraka lalu digaga aum. Laban utai tu udah kala nyadi ngelama tu. Artis carut enggau artis lalu ngujungka kitai enda seati enggau pangan diri. Utai nya enda ulih nyadi. Utai ti dekaka kitai iya kitai sama beguai manah enggau panggan diri baka diri menyadi. Ukai bejai pangan diri ba kaban nuan iya ti bukai. Aku Sylvester Juli enggau kaban aku ke bukai enggau naka ulih ngenanka persatuan tu. Sapa-sapa aja ulih enggau persatuan tu enda milih nya nuan bisi kelingai tauka enda. Asal aja meh bisi sangkut paut ngau iyas tubuh.
Jaku mansa pending
Taja aku enda ngelingai ba sepemanjai 8 bulan tu ke udah, tang keranjai jari aku agi segau-segau ba menua internet. Iyaka diperatika aku inya ukir stail Borneo Tribal Fusion stail empu. Bisi jaku mansa pending aku ti madahka ukir aku baka nya ulih ngelenyauka asal ukir kelingai ti disengkebang lalu dipun sidaka udah dulu iya nya aki ini kitai kelia menya. Jauh amat nadai runding ba ati aku deka ngelenyau ka ukir langkar kelingai ti asal. Aku semina ngaga iya modern ngambika enda tinggal ba arus pemansang. Enda salah-salah baka rentak lagu pop Iban ti berentak jugit, iya ti diganti enggau rentak ti modern agi. Amat enda manah meh nya dinga sidaka tuai, tang ngena amat didinga sidaka biak. Agi pan ba runding aku. Enda semua pengawa asal kitai ulih tanka, baka pengawa ngayau. Enti majaka pengawa tu enda lama penuh jil sida pulis. Enda aku nyangka sambut ari bala mayuh ti rinduka ukir nya manah endar.
Laban aku bepun ngukir nya suba, aku semina ngukir iya nitihka kuing runding aja. Nadai tuju ti nyata nama kebuah aku ngukir stail nya..Aku semina rindu meda iya baka nya.
Kenarau Tattoo Community
Kenarau Community iya ti bisi mansutka Majalah Kenarau, Baju Kenarau, Poster Kenarau enggau Stickers Kenarau. Kenarau tu alai sida Kelingai Artis, Graphic Designer, Painter, enggau mayuh agi batang pengawa bukai iya ti dipegai siku-siku mantaika pengelandik diri lalu product Kenarau tu deka dijual. Enggau chara tu sida ti nyengkebang langkar baju, poster enggau sticker tu ransing agi meda asil keranjai jari diri dikena urang enda milih nya ba menua tu tauka menua ribai.
Baju kenarau udah bisi 5 bengkah langkar churak. Churak ti disengkebangka aku empu churak baju kenarau ti kerubah, udah nya churak ti kedua disengkebangka Jayz Michael, Iya ti ke tiga Felix Dixon, Iya ti ke empat di gaga Freddiel Medan@Bel enggau iya ti kepenudi iya nya ti paling baru disengkebangka Ken Jax. Diatu ngetu enda lama prujik begagaka baju tu laban ti besedia napi Kenarau Expo enda lama agi, iya nya kenaka bulan sebelas tu.
Majalah Kenarau
Majalah kenarau ti bisi mansutka sukut baka Kelingai Artis ti alai sida kelingai artis ulih dikelala enggau semak agi. Sukut bukai iya ti bisi ba Majalah Kelingai iya nya sukut Keling & Kumang Kenarau, sukut Keling & Kumang Kenarau tu alai raban iya ti ngembuan kelingai ti deka ditanya saut kami enggau semak agi. Naka ke diatu majalah kenarau udah pansut naka Volume dua aja.
Ba senentang cherita majalah kelingai iya nya Majalah Kenarau volume ti ke-2, ti disadangka kami duai bakih aku Jaya Ramba pansut ba bulan 8 tang enda nyadi nya amat panjai cherita iya. Penanggul ti keterubah ari nya laban salah aku mayar duit permit dikena volume 2 tu ba Pos Upis Lutong, laban pos upis tu enda terus nepuka duit nya ngagai akuan Kementerian Dalam Negeri. Baka pos upis besai ba Miri nya dia. Aku sepatut iya ngaga iya ba pos upis besai ba pasar. Ketegal pengelaun pos upis Lutong tu nganjung duit bayar volume 2 tu meh sida ari KDN mimit da agi deka madamka permit Majalah Kenarau tu terus ari sistem sida iya. Laban ba danji (Agreement) Pustaka Putera Kenyalang enggau KDN, Majalah kenarau tu deka dipansutka paling mimit dalam setaun iya dua kali.
Penangul ti bukai, ari nya iya nya slip ti dikena mayar permit volume 2 tu nadai ditemu sida KDN. Sekalika enda datai din tau ka salah utai isi aku ba form nya tauka penaggul ti bukai. Nya alai bakih aku Jaya Ramba mayar baru duit permit nya ngena duit iya empu laban maya nya aku nadai ba Sarawak . Aku udah nguji deka ngambi duit aku ti kerubah ari nya ba pos upis lutong pulai tu tadi, tang sida iya begunaka slip nya iya ti asal. Slip ti asal udah diserahka kami duai Jaya Ramba ngagai KDN. Aku enda nemu sida KDN ulih tetemuka slip nya tauka enda, tauka duit aku nya “angus”baka nya aja. Penanggul iya ti bukai laban aku tu selalu nadai ba Sarawak , nya meh pengawa kami duai nyau baka tekura ngirit kerubung. Tambah mega kami duai ti ngereja majalah tu semina dua iku aja. Laban bedau bisi mudal deka ngaji urang ti professional. Nadai ngawa, utai semua nyadi laban deka ngajar kitai ngambika enda ngaga pengawa ti salah agi. Udah tu ila ngarapka volume 3 pansut enda baka volume 2 tu.
Ba Majalah Kenarau Volume 2, kami bisi mansut ka 2 iti lambar katun iya ti disengkebangka siku kartunis tebilang kitai bansa iya Terry Migi. Siku urang kuat kartunis ari majalah Bangka . Enda patut enda kala ninga neh?
Kenarau Expo
Kenarau Expo diatur begulai enggau siku kelingai artis iya iti teleba ba pengawa ngatur Gawai Kelingai tu. Iya nya Felix Dixon. Kenarau mega dikelala enggau nama Sarawak Tattoo Expo ngambika urang ti ukai Iban nemu nama pengawa kenarau tu.
Pun cherita Kenarau Expo tu diatur nya nya baka tu. Felix siku ari tuai pengatur pengawa ba pengawa gawai kelingai Miri Tattoo Exhibition iya ti dua kali udah diatur, iya nya kenaka taun 2010 enggau taun 2011. Tang pengawa tu enda ulih dipajaka laban penanggul ti enda ulih dipadah ditu. Selalu iya enti gawai kelingai bisi diatur, bala pengatur pengawa udah ngaga promosi kin kia bengantungka tambai enggau utai bukai. Meda baka ke nadai utai ba tengah taun, dia aku lalu nanya Felix, senentang 3rd Miri Tattoo Exhibition. Sekali ka agi dipajaka tauka enda. Ninga enda nyadi dia kami duai lalu ngatur siti agi pengawa iya ti deka digaga lain mimit ari MTE ti udah digaga dua kali ke udah. MTE iya ti deka diatur ninting taun diketuka baka nya aja. Lalu diganti ngena Kenarau. Kenarau Expo mega deka diatur ninting taun. Pengawa kenarau ti kerubah tu tadi ditulung mayuh bengkah Kompani, serikat, persatuan enggau individu ti keran deka nulung Kenarau Expo angkat. Ukai semina ditulung ari menua kitai tu. Menua bukai pan bisi nulung baka menua ari Thailand , Brunei , Singapore , Philippines , Indonesia enggau Taiwan .
Silik ti mayuh agi ba pengawa pengerami tu ila :-
Endur pengerami : Dewan Suarah, Miri.
Kenaka : 16hb & 17hb November 2013
Bepun ari : 12 tengah ari nyentuk ke 10 malam
Tikit Tama : 10 Ringgau sari. Menseeekk nya.
Pengawa ditulung :
- Dewan Suarah, Miri.
- Sarawak Body Arts Accosiasion
- Sarawak Modern & Traditional Tattoociety
- Indonesian Tattoo Subculture
- Pustaka Putera Kenyalang
- PUTERA ( Persatuan Penulis Utara Sarawak )
- Majlis Perbandaran Miri
- Majalah Bangka
- Majalah Kenarau
- Felix D Pantek
- Bungai Terung’s Generation
- Sarawak Tattoo Supply
- Seahorse Tattoo Studio & Gallery
- Ming Café, Miri
- Rumahpanjai.com FM
Atur pengawa :
Pekit pemanah kelingai nitihka kategari, pengawa ngelingai chara tatuk beraban mayuh, pengawa main asal ( ngajat enggau tabuh ), meda pengelandik DJ ngansarka chapak ba mija KUhukUKU, pekit belumba ngirup ai bias, live band & mayuh agi.
Nuju bala ti bisi datai ti ukai datai deka bekelingai, kita ulih ngelantang ke ati diri ngelanggak ai bir iya ti bisi dijual ba pengerami tu, kelimpah ari kita ti ngemataka sida kelingai artis ti benung kisuk ngenarau kulit bala pangan.
Website Kenarau.com
Ba sepemanjai enda ngelingai tu mega aku ngaga siti website baru iya ti digaga aku 100%. Keterubah iya aku bisi runding deka ngaji urang ngaga website tu. Tang meh bayar ngaga website tu ukai nya mudah. Datai 5K nama tekenaka professional website. Tang ba prujik website aku tu aku bisi tetemuka siku kitai bansa ti landik ngaga website ba menua Kuching, iya ti suah berandau enggau aku ba menua internet kenyau ari 2007 kelia. Rega iya ti dipinta iya ngagai aku pan umbas iya murah. Jelan iya. Tang meh laban Kenarau tu lalu bedau bisi untung kena ngaji urang nya meh aku majaka aja website tu belubah-lubah. Sitie-sitie utai dipelajar aku nyentuka aku nemu. Enda gak manah baka website urang bukai. Tang aku udah chukup puas agi.
Website kenarau.com tu mega alai kami engkahka pejalai kenarau Expo, Gambar Kelingai Artis, Keling Kenarau enggau Kumang Kenarau iya ti udah dipasutka kami ba majalah Kenarau. Kelimpah ari gambar, iya ti ulih dipeda ba website tu iya nya video. Ba kenarau.com tu mega bisi alai bebelika Baju, Stickers, Poster enggau Majalah. Nemuai meh ngagai website kami tu : www.kenarau.com
Blog Baru aku
Sekumbang ti nadai ngenarau tu mega kau ngaga siti blog baru aku ti alai aku nuggungka semua utai ti kala di turai aku ngambi ka nyamai dipeda. Semua gambar ti diupload aku ngaga blog aku nya ditusun nitihka bengkah ukir-ukir diturai aku. Tu blog aku nya enti deka ngabas iya : http://www.sylvesterjuliarts.blogspot.com
Studio Kelingai
Bisi sekeda raban kelingai artis ti udah bisi muka studio kelingaikediri empu, aku numpang asai temeggah ati meda sida iya ti bisi siti studio kediri empu, ti degi-degi asil ari teritik peluh enggau ati ti keran deka ngembuan studio kelingai kediri empu. Bisi mega iya ti ngetu studio sida iya laban ti deka ngaga bisnis bukai tauka engka bisi penaggul iya ti enda ulih diseliahka. Taja pia, ukai reti iya nyurutka diri ba menua kelingai kitai menua tu.
Bisi sekeda raban kelingai artis ti udah bisi muka studio kelingai
Tattoo Soup Tattoo Studio and Piercing, ba Merdeka Mall, Miri - Arth Akal
The Art Of Tattoo ( T.A.T's ) Pelita Tungku Letra House, Miri - Harry Yii.
Tattoo Supply
Menua kitai sarawak mega diatu bisi ngembun kumpeni/kedai ti bisi nyediaka kereban kena bekelingai. Kedai ti diberi nama enggau Sarawak Tattoo Supply. Bepalan ba Pelita Tungku Letra House, Miri. Ba kedai ti bisi nyedia ka kereban kelingai tu mega bisi tattoo studio iya ti diberi nama Taizong iyaka dikembuan dua iku diri menyadi Ambrose & Denis.
Menua kitai sarawak mega diatu bisi ngembun kumpeni/kedai ti bisi nyediaka kereban kena bekelingai. Kedai ti diberi nama enggau Sarawak Tattoo Supply. Bepalan ba Pelita Tungku Letra House, Miri. Ba kedai ti bisi nyedia ka kereban kelingai tu mega bisi tattoo studio iya ti diberi nama Taizong iyaka dikembuan dua iku diri menyadi Ambrose & Denis.
O.k..amat mayuh utai dipejuraika aku datas nya. Chukup ngasuh kita leju macha iya lama. Baru 8 bulan aku enda ngelingai, ngemayuh nya utai ti nyadi. Ngarap ka utai ti nyadi udah tu ila utai ti manah-manah maggang.
ORite,.,.,.,.Nya alai enggau tu aku deka nesau ngagai semua Kaban Belayan jauh enggau semak I’M BACK!! SUPERHERO ENGKERUAK MAN IS BACK TO TATTOO INDUSTRY.
THE RISE OF ENGRUAKMAN..!
THE RISE OF ENGRUAKMAN..!
Iya ti bendar,
Engruakman
Sarawak Superhero.
No smoking & vaporing.
↧
Sha & Ngelamun Kelingai Lama
Digaga ba : Tudan, Miri
Cura Ukir : Diambi ba internet
↧
Jeremy & Keruntuk Tibet
Digaga ba : Tudan, Miri
Cura Ukir : Al pachanka sketch book
↧
↧
Lenny & Hanya
Digaga ba : Tudan, Miri
Cura Ukir : Internet
↧
Andrew & BTerung Fusion
Digaga ba : Tudan, Miri
Cura Ukir : Sylvester Juli
↧
Wat & Portrait(Kate Louise Powell)
Digaga ba : Tudan, Miri
Cura Ukir : Kate Louise Powell
↧
Rueal & Kelingai Ukir Deguk
Digaga ba : Tudan, Miri
Cura Ukir : Sylvester Juli
↧
↧
Ian Shamir & Borneo Tribal Fusion
Digaga ba : Tudan, Miri
Cura Ukir : Sylvester Juli
↧
Eric & Lettering
Digaga ba : Bekok Oilfield, Terengganu
Cura Ukir : Sylvester Juli
↧
Sidy & Bio-Ular
Digaga ba : Bekok Oilfield, Terengganu
Cura Ukir : Xis Marcelo ( Philipine )
↧
Andrew & Borneo Tribal Fusion Tattoo #38
Akih tu ka design iya ti udah kala disengkebang aku ba urang bukai, tang aku enti ulih enggai kelingai iya sama enggau urang bukai. Nya alai aku nengkebang langkar ukir ti nyelai agi..tang enda sama.
Digaga ba : Bekok Oilfield, Terengganu
Cura Ukir : Sylvester Juli
↧
↧
Marcel & Ngelamun Kelingai Ti' Lama'
Design : Sylvester Juli
Loc : Bekok Oilfield, Terengganu.
↧
Sidi & Maria/Jesus
Loc : Bekok, Oilfield, Terengganu
Design : Internet.
↧
Pat & Maria
Kelingai portrait ti ke2 di sengkebang aku ba tubuh akih tu. Digaga kenaka 26/12/2013.
Loc : Bekok, Oilfield, Terengganu
Design : Internet.
Loc : Bekok, Oilfield, Terengganu
Design : Internet.
↧